Најмалку 36 летови досега беа одложени, а најмалку осум се целосно откажани на московските аеродроми „Внуково”, „Домодедово” и „Шереметјево” поради лошите временски услови.
На Внуково, седум летови се одложени, а еден е откажан, пренесуваа тамошните медиуми.
Хидрометеоролошкиот центар на Русија соопшти дека во рускиот главен град денеска се очекува да има температура од четири степени под нулата, а во московскиот регион и до минус седум степени.
Метеоролозите исто така издадоа и предупредување за снежни врнежи, силни ветрови и мраз.