Во текот на изминатиот ден на подрачјето на Скопје се случиле вкупно седум сообраќајни незгоди од кои една со тешки телесни повреди, две сообраќaјни незгоди со телесни повреди и четири со материјална штета, соопштија од полицијата.
Од МВР додаваат дека во сообраќајните незгоди едно лице се здобило со тешки телесни повреди и две лица се здобиле со телесни повреди, а од преземените мерки и активности во текот на денот констатирано е дека 31 возач управувал возило со брзина поголема од дозволената.
„Од сообраќај се исклучени 16 возачи од кои: двајца затоа што управувале возила под дејство на алкохол, 13 возачи управувале возила без да се стекнат со право за управување на моторно возило и еден возач затоа што бил возач-почетник. Исто така исклучени од сообраќај се и седум возила бидејќи биле нерегистрирани,“стои во соопштението на полицијата.
Во текот на денот санкционирани биле седум возачи поради поминување на крстосница на црвено светло, тројца возачи поради недавање првенство на минување на пешаци, тројца поради неправилно престројување, шест возачи поради неправилно престигнување, седум поради неносење пропишана зимска опрема, еден возач поради неносење сигурносен појас и пет возачи поради користење на мобилен телефон при управување со возило.
Во текот на изминатите денови, додаваат од полицијата издадени биле и 68 мандатни платни налози, а 67 возила се подигнати со специјално возило „пајак”.
