Времето денеска ќе биде променливо облачно со слаб до умерен југоисточен ветер. Во крајните западни и источни делови ќе има слаби врнежи од дожд, а на планините од снег. Максималната температура ќе биде во интервал од 5 до 10 степени. Во Скопје, претежно обчачно со слаб југоисточен ветер. Максималната температура ќе достигне до 7 степени.
До вторник ќе преовладува претежно облачно време со повремени врнежи со променлив интензитет. Пообилни врнежи ќе има утре и во вторник. На планините и повисоките места ќе бидат само од снег, при што ќе се формира нова снежна покривка. На пониските места врнежите ќе бидат од дожд и снег. По одделни котлини ќе има услови за појава на магла.
