Властите во јапонскиот град Такачихо откриле шест мртви тела, вклучувајќи и тело на 7-годишно девојче.
Полицијата ги открила телата во една куќа во сопственост на 72-годишниот Јасуо Ихоши, откако член на семејството пријавил дека никој не му одговарал на повиците.
Едно од телата било пронајдено пред куќата, додека три машки тела и две женски тела биле пронајдени во внатрешноста на куќата. Дел од жртвите биле прободени, но оружјето со кое се извршени убиствата засега е непознато.
Јапонија, која важи за една од најбезбедните земји во светот, има многу ниска стапка на убиства, а масовните убиства се многу ретки.
Полицијата го објави и идентитетот на жртвите, односно 66-годишната сопруга на Јасуо, нивната 41-годишна снаа, како и 21-годишниот внук и 7-годишната внука. Шестата жртва не е член на семејството, туку близок пријател.
