Вечерва на интернет страницата на МВР е објавен податокот дека е распишана и меѓународна потерница по Никола Груевски, поранешен премиер на Македонија кој се бара за издржување на затворската казна од 2 години за случајот ТЕНК.
Претходно како што објавивме поранешниот премиер Никола Груевски објави на социјалните мрежи дека побегнал во Унгарија и побарал азил од властите во Будимпешта.
Информацијата на министерот за внатрешни работи Оливер Спасовски му ја потврдил неговиот унгарски колега. Истата е потврдена и преку дипломатски канал, откако МНР го повика амбасадорот на Унгарија на средба.
Спонзорирано:
