Зоолошка градина Скопје донираше прочистувачи на воздух во домот за децата без родители „11 Октомври“.
„Ветивме дека нашата институција ќе помага на сите деца. Ние сакаме децата да растат здраво и да се едуцираат. Зоолошката ќе биде секогаш отворена за нив“, изјави директорот Ѓорѓи Галетановски.
Од Зоолошката градина додаваат дека со ова сакаат да ги поттикнат и другите институции да помагаат и донираат секаде каде што можат.