Францускиот Главен директорат за спроведување на Законот за внатрешна безбедност уапси шест лица како дел од истрагата за заканите против претседателот Емануел Макрон, објави БФМ ТВ. Осомничените, наводно, се поврзани со радикално движење.
Апсењата биле изведени во департманите Ил-ет-Вилен, Изер и во Мосел. Париските обвинители почнаа прелиминарна истрага за уапсените, кои имале „непрецизен и лабаво формиран план за насилна акција против францускиот претседател“.
„Ова е истрага за заговор, неодреден и лошо дефиниран во оваа фаза, вклучувајќи и насилни акции против претседателот на републиката”, изјави официјален претставник.
На крајот на јули минатата година полицијата уапси 23-годишен маж кој се обиде да го убие Макрон на воената парада на францускиот Ден на Бастилја, заедно со муслиманите, Евреите, црнците и хомосексуалците. Исто така, минатата година француската полиција уапси десет радикали осомничени за заговор за убиство на портпаролот на Макрон, Кристоф Кастанер, левичарски лидер Жан-Лук Меленшон, и да извршат напади врз мигранти и џамии.
