Националната комисија за безбедност на сообраќајот во Индонезија соопшти дека брзиномерот бил оштетен за време на четирите последни летови на авионот „боинг 737 макс“ што минатата недела се сруши во Индонезија превезувајќи 189 патници, пренесе РСЕ.
Оштетувањето било откриено при анализа на податоците од авионските црни кутии, изјави пред новинарите шефот на комисијата, Соерјанто Тјахјоно.
Тој додаде дека побарал од компанијата „боинг“ и американските власти да преземат мерки за да спречат слични проблеми од овој тип авиони во светот.
Американската компанија засега не е достапна за коментар. „Боинг“ има испорачано 219 примероци од авионите 737 макс на купувачите ширум светот.
Спонзорирано:
