Демократскиот сојуз смета дека помирувањето помеѓу левицата и десницата, како и пошироко национално помирување, треба да се одвива преку парламентот со донесување декларација за национално помирување.
„Во декларацијата треба да се нагласат причините и потребата од помирување, стратешките цели за кои не треба конфронтации, туку консензус и единство, како што се унитарниот карактер на државата, територијалниот интегритет, евро-атлантските интеграции, владеењето на правото, повеќепартискиот систем и слично.
Со декларацијата треба да се предвидат рехабилитација и обесштетувањето на жртвите на еднопартискиот систем и по него, обнова на монтираните политичко-судски процеси, преиспитување на селективната и неправедна лустрација, неправедната приватизација итн.“, велат од партијата.
Помирувањето, како што велат оттаму, не треба да се меша со идеите за амнестија од кривична одговорност на носители на високи политички и државни функции, а во контекстот на евроинтеграциските процеси и членство во НАТО.
