Рускиот претседател Владимир Путин потпиша декрет со кој се дозволува Русија да им наметне на украинските компании и поединци санкции како одговор на украинските санкции против Русија, објави веб-страницата на Кремљ во понеделникот.
Уредбата беше издадена како одговор на непријателските дејства на Украина во врска со воведувањето санкции против граѓаните и правните лица од Русија, како и со цел да се заштитат националните интереси, се вели на веб-страницата.
На руската влада ѝ беше наложено да ги утврди листите на физички и правни лица во однос на кои ќе се применуваат посебните економски мерки и да се идентификуваат посебни економски мерки што ќе се применуваат на физички и на правни лица.
Од февруари 2014 година, Украина воведе санкции против 1.228 руски поединци и 468 правни лица. Меѓу нив има руски официјални претставници, политичари, бизнис лидери и новинари. Киев, исто така, забрани неколку руски медиуми и телевизиски канали.
