Од ВМРО ДПМНЕ излегоа со тешки обвинувања за нудење на пари на пратеници, но не соопштија имиња кои пратеници ги одбиле овие пари, ниту пак кој им ги нудел.
ВМРО-ДПМНЕ одбра борба против неодоговорна власт, рече вечерва на прес-конференција генералниот секретар да опозициската партија, Игор Јанушев.
Тој нагласи дека структури на власт и нивни одработници вршат притисок врз пратеници.
„Собранието стана пазар и арена за уцени. Се апсат поради полициски прогон и тргуваат со слободата, ветуваат награди за послушните, заплашување врз семејства на пратеници за да гласаат. На еден пратеник му понидија милион евра за да гласа, на друг 250 илјади евра, а на трет 2 милиони евра. Сето ова е одбиено“, истакна Јанушев.
Тој до пермиерот Заев упати прашање дали има алал во таквите постапки.
„Свесен ли сте во каков амбис ја водите државата? Ова е преседан, не е ова за европска Македонија, ова е диктатура и насилие. Да им подадам признае на пратениците од ВМРО-ДПМНЕ кои не потклекнаа“, истакна генералниот секретар на партијата.
Тој сепак не сакаше да открие на кои пратеници им се нуделе пари и побара обвинителството да истражи.
https://www.facebook.com/vmromakedonija/videos/315516409248071/?t=1
Инаку речиси цел ден про-опозициските медиуми објавуваат обвинувања без поткрепа, на што реагираа и од Владата.
Портпаролот на Владата, Миле Бошњаковски, предмалку преку социјалната мрежа Твитер порача дека премиерот Зоран Заев категорично ги демантира лажните информации на „Курир„ и „Република“ дека „Власта прави жесток притисок врз пратениците и ги уценува со сите можни средства.
Инаку меѓународната заедница јасно и недвосмислено побара од раководството на ВМРО ДПМНЕ да ги остави пратениците слободно да одлучуваат.