Две лица од Скопје биле пронајдени мртви во автомобил на патот Катланово – Бадар, во близина на мостот на реката Пчиња.
Според информациите на МВР, вчера околу 12 часот било пријавено дека на локалниот пат Катланово-Бадар имало возило што излетало од патот. По пријавата, интервенирала екипа на Бригадата за противпожарна заштита Скопје и било утврдено дека станува збор за возило „фиат мултипла“ со скопски регистарски ознаки, а во него имало две починати лица.
Според информациите на МВР, се работи за лицата З.Н.(39) од Скопје и С.П.(22) од Скопје. Смрт констатирал лекар од Итна медицинска помош. По наредба на Јавен обвинител, телата на починатите биле предадени за обдукција за да се утврди причината за смртта.
