Американскиот сенатор Рон Џонсон ги повика граѓаните да илезат да гласаат на референдумот на 30 септември. Дајте им до знаење на вашите лидери дека ја поддржувате вашата нација и чекорењето на земјата на патот кон евроатлантските интеграции, порача Џонсон по средбата со премиерот Заев.
-Исклучително важно е за Македонија и Грција да го решат спорот за името. Имаме двајца храбри лидери, двајца премиери, кои се најдоа во тешка позиција. Ние сакаме да го поддржиме решението на овој проблем и тоа е единствениот начин Македонија да влезе во НАТО. Би сакал Македонија да стане 30-та членка на НАТО. Тоа е многу важно за НАТО и за безбедноста на балканскиот регионот и на Македонија. Ги охрабрувам сите Македонци да излезат да гласаат на референдумот, без разлика дали се согласуваат или не со договорот, мора да излезете да гласате и да им покажете на вашите лидери што чувствувате, рече Џонсон.
Сенаторот се сретна и со претседателот на Собранието Талат Џафери. На средбата се разговарало за претстојниот референдум, а Џонсон ја изразил поддршката на Соединетите Американски Држави, подвлекувајќи дека членството во НАТО ја гарантира безбедноста на Република Македонија, а со тоа се поттикнува растот на економијата, што всушност е и примарната цел, информираа од собраниските служби.
