Врховниот суд во Индија донесе одлука за легализација на геј-сексот и тој повеќе нема да се смета за кривично дело.
Со најновата одлука на судот се поништува пресудата од 2013 година, во која врз основа на zаконот од колонијално време, геј-сексот беше категоризиран како „неприродно дело“.
Судот сега пресуди дека дискриминацијата врз основа на сексуална ориентација е основно нарушување на правата на човекот.
Поборниците за легализација на геј-сексот се собраа пред судот и со овации ја дочекаа пресудата, некои од нив и насилно влегоа во судот за време на читањето на одлуката, дел, пак, со солзи на очите ја дочекаа пресудата.