– Се вративме на вистинскиот пат и затоа имаме силна поддршка од светот. Македонија е новата голема надеж за регионот и Европа. Имаме подадена рака и шанса која мора да ја искористиме. Генералниот секретар на НАТО, Jens Stoltenberg пристигна во Македонија по втор пат за само една година. Јасна е поддршката од нашите сојузници. На 30-ти септември да ја осигураме нашата иднина! #ИзлезиЗА, порача премиерот Зоран Заев вечерва на социјалните мрежи, објавувајќи заедничка фотографија со првиот човек на НАТО.
