СДСМ издава објекти кои се во сопственост на државата, обвини на денешната прес конференција Игор Божиновски, член на Извршниот комитет на ВМРО-ДПМНЕ.
„Имаме случај каде сомневањата се дека СДСМ, Сојуз на борци на НОВ и Сојуз на синдикати на Македонија во Куманово изнајмуваат на правни субјекти, имот кој е во сопственост на Република Македонија и кириите ги собираат во сопствените каси. Сомневањата се дека наведените организации без документ и право на сопственост се ставаат во функција на сопственик на имот кој е во сопственост на граѓаните“, изјави Божиновски.
Членот на ИК на ВМРО-ДПМНЕ во својата изјава додава дека објектот кој се води на катастарска парцела 17651, каде се наоѓаат објектите во состав на поранешен комитет со имотни листови 15107 и 72960, според катастарот се во сопственост на државата, додека градоначалникот Максим Димитриевски тврдел дека сосопственик на зградата е СДСМ со уште два правни субјекти.
