Јавното претпријатие за јавни паркиралишта „Паркинзи на Општина Центар“ (ПОЦ) во понеделник (13 август) ќе го пушти во употреба новиот систем за контрола на влезно-излезните рампи на Сквер Јадран.
Како што информираат од ПОЦ, новиот систем се воведува со цел да се ослободи пешачката зона од возила и да им се овозможи на пешаците и велосипедистите непречено и безбедно движење.
„Со воведување на новиот систем на контрола само резидентите и конзуларните преставништва кои се во опфат на Сквер Јадран ќе имаат право на влез и излез на ова паркиралиште. Ваквиот систем на контрола се воведува заради секојдневната злоупотреба на досегашниот систем и движењето и паркирањето на возила без пристап на пешачката зона на Сквер Јадран“, се наведува во соопштението.