Во источен Конго починале 33 лица, за кои се претпоставува дека биле заболени од ебола, соопшти министерството за здравство на оваа држава. Засега потврдени се 13 случаи на оваа хемороагична треска, вклучително и три смртни случаи, се наведува во соопштението. Исто така се додава дека сомнителни случаи се отркиени во провинцијата Северен Киву и Итури, пренесе Ројтерс.
Последното избивање на епидемија се случи една недела откако владата во Конго прогласи крај на епидемија во северозападиот дел на земјата, каде починаа исто така 33 лица.
Засега се идентификувани 879 лица кои имале контакт со пациенти заболени од ебола, соопшти министерството и додало дека следењето на тие контакти е тешко во тој дел од земјата поради движењето на населението и присуството на воени трупи.
Како и во западниот дел на Конго, здравствеаните власти планираат да испорачаат вакцини од производителот „Мерк“, кои помагаат во спречување на ширењето на вирусот.
