Министерството за внатрешни работи соопшти дека синоќа биле опожарени две возила во Скопје.
Првиот случај бил пријавен во 2:30 часот по полноќ, кога на улицата Фуштанска во населбата Ченто било опожарено паркирано патничко моторно возило од марката „шевролет авео“ во сопственост на Т.И. (64) од Скопје.
Вториот инцидент бил регистриран во 3:40 часот. Во Секторот за внатрешни работи Скопје било пријавено дека на улицата Ѓуро Ѓаковиќ во Центар имало опожарено патничко моторно возило „мерцедес Ц 220“ сопственост на Ш.Н.(70) од Скопје.
Полицијата презема мерки за расчистување на случаите.
