Времето утре ќе биде променливо облачно околу пладне, а попладне на повеќе места ќе биде нестабилно со пороен дожд и грмежи. Ќе дува слаб до умерен ветер од северозападен правец. УВ-индексот ќе изнесува 6.
Минималната температура ќе биде од 15 до 21, а максималната дневна температура на воздухот ќе се движи во интервалот од 25 до 33 степени.
Во Скопје променливо облачно, попладне ќе биде нестабилно со локален пороен дожд и грмежи. Ќе дува слаб до умерен ветер од северозападен правец. Температурите од 19 до 29 степени.
За време на викендот во поголем дел од земјата времето ќе биде посончево и потопло време, но во северните и западните планински предели не е исклучена изолирана појава на краткотраен дожд и грмежи. Во почетокот на следната недела повторно ќе биде променливо облачно, на повеќе места и нестабилно со пороен дожд и грмежи. Дневната температура ќе се задржи под просекот за овој период од годината, но ќе бележи благ пораст.
