Вчера од период од 19,30 до 21,00 часот, полициски службеници од Надворешната канцеларија за криминалистички работи Гостивар, извршиле претрес во домот на 17-годишен жител на село Чегране, гостиварско.
„При претресот пронајдени се: пиштол „Зораки“ калибар 9 милиметри со два куршума од истиот калибар, едно најлонско ќесе со марихуана, дробилка со остатоци од ваква материја, безбол палка, два метални боксирача, нож, црн спреј… “ јавува полицијата.
Пронајдените предмети се фотодокументирани и со потврда одземени за вештачење, додека малолетникот, во присуство на негов роднина, бил приведен во Полициската станица Гостивар и задржан за натамошна постапка.
Една од основачките на феминистичкото движење „Фемен”, 25-годишната Оксана Шачко, е пронајдена мртва во својот стан во Париз.
Активистката на „Фемен”, Ина Шевченко, потврдила дека Оксана се самоубила.
Според објавите на социјалните мрежи, Шачко умрела во понеделникот во својот стан во Париз, а зад себе наводно оставила порака напишана на англиски јазик, која гласи: “Сите вие глумите”.
Оксана, според пишувањето на руските медиуми, во последните две години веќе два пати се обидела да си го одземе животот.
Таа е припадничка на феминистичкото движење “Фемен”, основано во Украина пред 10-тина години, а заштитен знак на протестите им биле голите тела или само голи гради.
За укажување на проблемите во главно користат екстремно сексуализирани перформанси.
