Папата Франциско денеска ја повика меѓународната заедница да ја спречи трагедијата со мигрантите во Средоземното море.
Говорејќи на традиционалното обраќање пред околу 25.000 верници на плоштадот „Свети Петар“ во Рим, врховниот поглавар на римокатоличката црква побара од меѓународната заедница брзина и одлучна акција, за да не се повторат драматичните вести за потонати бродови и чамци со мигарнти во водите на Медитеранот.
Повикот на Папата следеше кога приватните спасувачки и бродовите на ЕУ кои пловат по меѓународните води во близина на либискиот брег, изминативе неколку седмици ги прекинаа спасувачките операции.
