Пет лица загинаа во тешка сообраќајна несреќа во Косово. Портпаролот на полицијата за призренскиот регион Хазир Бериша соопшти дека сообраќајката се случила кај селото Брике во општина Сува Река.
Во тешката сообраќајна несреќа, која се случила напладне, загинале две возрасни лица и три деца кои се наоѓале во автомобилот „БМВ“ кој се судрил со автобус кој сообраќал на релација Сува Река – Дуле. Косовските медиуми информираат дека до трагедијата дошло поради брзо возење на автобусот.
К.М.
