Либиската морнарица соопшти утрово дека 63 мигранти се водат како исчезнати во нова бродска несреќа кај брегот на Либија.
Генералот Ајуб Касен изјави за „Франс прес“ дека 41 мигрант се спасени и додаде дека на бродот имало 104 лица. Несреќата се случила околу 50 километри источно од Триполи.
Покрај тоа, либиската морнарица синоќа ѝ помогна на крајбрежната стража при спасувањето на 235 мигранти, меѓу кои 54 деца и 29 жени.
Викендов во Средоземното Море кај либискиот брег исчезнаа 170 мигранти. Мигрантите од северна Африка често со несигурни бродови патуваат кон некоја земја од Европската Унија.
Спонзорирано:
