Дали верувате во чуда? Член на екипажот на норвешки брод за крстарење најверојатно верува откако паднал во морето во близина на Куба, а бил спасен речиси еден ден подоцна од друг брод за крстарење.
Очевидци тврдат дека 33-годишниот член на екипажот паднал од норвешкиот брод во водата околу 28 милји северозападно од Пинар дел Рио, во Куба во 3:20 часот, по што веднаш почнала потрага по него во која бил вклучен авион на крајбрежната стража.
Следниот ден хотелски управител на бродот „Карнивал Глори“ забележал маж во морето околу 1 часот, на 21 милја северно од Куба. Управителот им кажал на офицерите на бродот, кои ја намалиле брзината, го промениле курсот и спуштиле спасувачки чамец за да го извадат човекот од водата.
Норвешкиот член на екипажот, чие име сè уште не е јавно објавено, е под медицински надзор и неговата здравствена состојба е стабилна.
Според спасувачите, станува збор за вистинско чудо. Крајбрежната стража соопшти дека пребарала повеќе од 1 630 квадратни милји од океанот во потрага по морнарот.
