Претседателот на Европскиот совет, Доналд Туск рече дека одлуките за миграцијата од Самитот на ЕУ се најлесниот дел од целиот процес.
„Премногу е рано да се зборува за успех. Ова е најлесниот дел од задачата во споредба со она што нѐ чека кога ќе започнеме да го применуваме договореното“, изјави Туск.
Тој додаде дека е постигнат договор за следната транша на средства за Турција, како и за обезбедувањето на дополнителни половина милијарди евра за Фондот во Африка со цел спречување на илегалната миграција.
