Од 5 јуни воздушниот простор на Црна Гора ќе го чува НАТО, односно Италија и Грција тогаш почнуваат воздушна патрола над Црна Гора.
„Бидејќи Црна Гора нема борбени авиони, сојузниците ќе ѝ помогнат да го обезбеди нејзиниот воздушен простор. Во знак на сојузничка солидарност, Италија и Грција сега ќе помогнат во заштитата на црногорскиот воздушен простор. Италијански и грчки борбени авиони и натаму ќе бидат базирани во нивните матични земји и по потреба ќе бидат ангажирани“, соопштуваат од НАТО.
Како што се наведува во соопштението од Алијансата, не се работи за одговор на каква било закана, туку е важна компонента која НАТО им ја пружа како сигурност на своите членки.