Серија силни земјотреси го погодија Хаваи по ерупцијата на вулканот Килауеа, вклучувајќи и земјотрес со јачина од 6,9 степени според Рихтеровата скала, најсилен кој го погодил островот од 1975 година.
Поради силниот земјотрес, имало краток прекин на електричната енергија, а граѓаните во паника излегле на улиците, но не било издадено предупредување за цунами, објави Би-Би-Си.
Во меѓувреме, неколку нови ерупции оштетиле повеќе куќи и патишта, а лавата достигнала висина од 30 метри. Агенцијата за цивилна заштита нареди итна евакуација и предупреди дека во областа околу вулканот, нивото на сулфур-диоксид е опасно висок и дека спасувачите нема да бидат во можност да им помогнат на граѓаните кои нема да се евакуираат.
Новите ерупции следуваат по вчерашната голема ерупција на вулканот Килауеа. Властите на Хаваи прогласија вонредна состојба. Првата ерупција следувала неколку дена по формирање на првиот кратер на источниот дел на вулканот и по 250 земјотреси за 24 часа.
Kilauea continues to rumble. @HawaiiNewsNow begins two hours of uninterrupted programming on the Hawaii Island eruptions right now on KGMB and KHNL. https://t.co/LCb20eb7dD #HNN pic.twitter.com/qH429OVrvN
— Hawaii News Now (@HawaiiNewsNow) May 5, 2018
