АД ЕЛЕМ раскинува договор за ископ на јаглен, при што наместо да ја избере второрангираната компанија која е со најповолна понуда, отпочнува постапка за склучувањеа нов договор кој поради укинувањето на Советот за јавни набавки се одвива во четири очи, рече Игор Јанушев, генерален секретар на ВМРО-ДПМНЕ.
https://www.youtube.com/watch?v=dOy1v5i8jOY
„За да биде целата ситуација уште покомпримитирачка – тендерот го добива компанијата која е второрангирана од претходниот тендер, но со една огромна разлика. Како што претпоставувате, тоа разлика во цената. Значи истата компанија, наместо да биде избрана како второрангирана, е избрана преку нов договор, но со драстично повисока цена поради што постојат сомневања за сторен криминал и богатење на сметка на државниот буџет“, рече тој.
Според Јанушев, првиот договор кој е раскинат од АД ЕЛЕМ за потребите на РЕК Битола е со фирмата „Трансмет ДОО“ Скопје по цена од 47 денари по гига џул, за отпосле да склучи договор во четири очи со фирмата „Пелистер ДОО“ за цена од 88 денари по гига џул.
На овој начин, рече тој, граѓаните се оштетени за 60 милиони и 500 илјади денари, односно разликата е над еден милион евра.
