Кинескиот претседател, Си Џинпинг, во својот силен националистички завршен говор пред парламентот ја опиша Кина како растечка глобална сила, објави Би-би-си.
Тој рече дека постигнувањето целосно единство е колективна надеж на целиот кинески народ и предупреди дека сите обиди за поделба на државата биле осудени на пропаст.
Говорот, како што пренесуваат светските агенции, е силно предупредување против секој обид за сепаратизам од места како Тајван и Хонг Конг. Си, исто така, предупреди дека Кина не може да биде задоволна од својот развој.
Во меѓувреме, премиерот Ли Кечианг ја искористи својата годишна прес-конференција за да каже дека Кина е посветена на глобална соработка во трговијата.
Тој рече дека Кина уште повеќе ќе ја отвори својата економија и ќе обезбеди домашните и странските фирми да можат да се натпреваруваат во фер услови на големиот пазар во Кина. Кинеските официјални претставници имаа слични ветувања во минатото.