Шефот на грчката дипломатија Никос Коѕијас пред неколку дена ја испратил грчката нацрт- спогодба до надлежните институции во земјава. Тој во четврок и петок се очекува да пристигне во Македонија.
„Изработивме текст со нашите предлози во целост како во однос на отворените проблеми што ги имаме со ПЈРМ, така и за идната агенда на соработка што ќе им донесе корист и на двете страни. Овој текст го имам пратено пред повеќе денови во Скопје“, изјави шефот на грчката дипломатија во изјава за државната телевизија ЕРТ.
Македонското Министерство за надворешни работи и официјално потврди дека Коѕијас ќе оствари официјална посета на земјава на 22 и 23 март. Грчката делегација предводена од МНР Коѕијас, во четврток ќе пристигне на Меѓународниот аеродром Скопје.
На 30 март (петок), министрите за надворешни работи на Република Македонија и на Грција, Никола Димитров и Никос Коѕијас, ќе се сретнат во Виена, заедно со личниот пратеник на Генералниот секретар на ОН, Метју Нимиц.
