Австриското здравство го тресе невиден скандал. Имено, една виенска болница потпишала договор вреден 95.000 евра и тоа со истерувач на негативна енергија.
Овој ловец на штетни бранови е ангажиран енергетски да ја прочисти новоизградената болничка зграда. Австриската инспекција останала зачудена, а медиумите пренесоа дека три лица се приведени, пренесе Курир.рс.
Се огласила и виенската бискупија која на Твитер соопштила дека целосно непотребно е ангажиран овој истерувач на негативна енергија, бидејќи црковниот благослов бил сосема доволен, а и поевтин.
Стручњакот, кој болницата го ангажирала да направи „заштитен енергетски прстен“ околу објектот, за своите вуду-услуги, според договорот, би требало да наплати 95.000 евра.
Меѓутоа, овој проект е запрен бидејќи овој скандалозен договор протекол во јавност.
