Веќе неколку дена сопствениците на кучиња и мачки во Осијек стравуваат за своите миленичиња бидејќи на социјалните мрежи се шират информации за отров кој е фрлен ширум градот, па и во самиот центар.
Полицијата оваа недела примила неколку повици за сомнителен бел прав кој граѓаните го забележале на неколку локации во градот, а пријавени се и неколку случаи на отруени кучиња, пишува Индекс.хр.
Деновиве на Фејсбук се шират и фотографии и видео записи од гулаби кои паѓаат од крововите на зградите и угинуваат на плочниците.
Граѓаните на Осијек на социјалните мрежи настаните ги поврзале со отровот од кој стравуваат со денови.