Силна експлозија го потресе авганистанскиот главен град Кабул во раните утрински часови.
Нападот се случи во источниот дел на Кабул, каде што е сместен центарот за воена обука и царинската служба. Експлозијата била предизвикана од експлозивна направа поставена во возило, а веројатно била насочена против странски војници.
Министерството за внатрешни работи во земјата ја потврди смртта на едно лице. Светските агенции пренесоа дека загинала млада девојка, а повредени се уште шест лица.
Портаролот на Министерството во земјата соопшти дека направата експлодирала во девет часот по локално време и додаде дека полицијата во моментот ги испитува целите и причините за нападот.
Новинската агенција „Ројтерс“ потестува дека нападот се случува два дена откако претседателот Ашраф Гани им понуди на талибанците да започнат со мировни преговори и еден месец по разнесувањето возило на итната помош полно со експлозив во центарот на Кабул, при што загинаа 100 лица.