Хемиските средства за чистење се штетни по нашето здравје, а освен тоа се многу скапи.
Затоа, сè повеќе се враќаме на природните средства, кои освен што не се ризични по човечкиот организам, се и евтини.
Веќе пишувавме за некои намирници со кои лесно можете да ја отстраните нечистотијата во вашиот дом, а и да заштедите пари.
Овој пат, наша препорака е кромидот!
Да, добро прочитавте, кромидот е познат по своите силни антиоксидантски, антибактериски и антигабични дејства.
Се прашувате како да го употребите при чистење на домот?
Едноставно, пресечете го кромидот на половина и истријте ги тврдокорните флеки, а потоа измијте ги со топла вода.
Ако мирисот ви создава проблем, лесно ќе го неутрализирате со алкохолен оцет.
Значи, покрај тоа што има благотворно дејство на здравјето, кромидот се покажа и како одличен природен чистач.
