Под влијание на серија влажни бранови во наредните денови ќе се задржи претежно облачно време со повремени локални врнежи од дожд, а на планините и на некои повисоки места од снег.
Врнежите ќе бидат со слаб до умерен интензитет и повеќе застапени во западните делови од земјава.
Денеска во овие делови локално се очекува да наврнат над 20л/м2, а снежната покривка на планините значително ќе се зголеми.
Ќе дува умерен до засилен југоисточен ветер долж Повардарието и во источните подрачја.
