Во населбата Тафталиџе во скопската општина Карпош денеска започна реконструкцијата на дел од објектот на градинката „Мајски Цвет“, со којашто старата градба од монтажен карактер се заменува со цврста градба, според современи стандарди.
Градоначалникот на Општина Карпош, Стефан Богоев, посочи дека на овој начин се зголемува капацитетот на градинката и ќе се овозможат подобри и побезбедни услови за престој, едукација и работа на децата и воспитниот кадар.
„Ова е инвестиција во вредност од 10.614.271 денари, која целосно ќе биде финансирана од буџетот на Општината. Со новоизградениот објект ќе се добијат четири нови занимални за дечињата и 150 метри квадратни дополнителен простор, во споредба со претходната монтажна градба“, рече Богоев.
Изведувач на проектот е фирмата ДГПППУ: “Инженеринг Гроуп”, а рокот на изведба е 120 дена.