Градоначалникот на општина Гази Баба, Борис Георгиевски, денес беше во работна посета на Јурумлери, каде што соопшти дека во моментот се почнува со изградба на првата вакуум-пречистителна станица во ова населено место, која патем е и прва од овој тип во општината, но и во Република Македонија.
„Со изградбата на оваа станица ќе се реши фекалната одводна канализација во ова рурално место. Ризикот што постои во моментот во Јурумлери се подземните води и во оваа област постојат премногу септички јами, кои се голем еколошки проблем и со изградба на нова фекална вакуумска мрежа овие ризици целосно ќе се елиминираат. Со изградбата на пречистителната станица со мониторинг и команден пулт, вакуум-пумпи и примарна фекална мрежа во должина од 4 км ќе се подобри квалитетот на животот на жителите од Јурумлери“, рече Георгиевски.
По завршувањето на првата фаза од изградбата ќе започне втората фаза, која е приклучување на секое домаќинство од Јурумлери.
Спонзорирано: