Република Горна Македонија (Republika GornaMakedonija/Republic of Upper Macedonia) е новото име што Грција го предложила за нашата земја, пренесува порталот GreekReporter.com.
Порталот пренесува информации од локални медиуми кои тврдат дека добиле ексклузивни информации од грчкото Министерство за надворешни работи, според кои од четири можни предлози на медијаторот Метју Нимиц, Република Горна Македонија (Republika GornaMakedonija) е опција што е најприфатлива за двете страни.
За Атина, GornaMakedonija е еден збор што со словенски изговор не звучи како Македонија. На тој начин поединечниот термин Македонија е изоставен од името.
Според извештаите од истите извори, македонската страна била најмногу заинтересирана за предлогот Република Нова Македонија (Republic of New Macedonia), а грчките власти настојувале новото име на земјава да биде Република Вардарска Македонија (Republic of Macedonia of Vardar).
Третото решение од пакетот на Нимиц – Република Горна Македонија (Upper Macedonia) наводно било прифатено од двете земји.
Според информациите, двете страни се согласиле во блиска иднина да биде потпишан формален договор. Со цел Скопје да го потпише договорот, потребни би биле и некои промени во македонскиот Устав за да се осигури позицијата дека земјава нема иридентистички ставови кон северна Грција.
Спонзорирано:
