Најмалку 11 луѓе се повредени во бомбашки напад на хуманитарната организацијаи „Спаси ги децата“ во Авганистан, пренесе Би-би-си. Според информациите, напаѓачи детонирале експлозиви во канцелариите на организацијата во градот Џалалабад, во која во моментот на нападот имало околу 50 вработени.
Како што пренесува Би-би-си, нападот го почнал маж со експлозија на автомобил-бомба пред зградата, како и дека напаѓачите користеле автоматско оружје и РПГ од повисоки катови во зградата.
Никој досега не ја презел одговорноста за нападот.
Џалалабад се наоѓа во близина на границата со Пакистан и многу често е цел на напади на тТалибанските милитанти, но исто така е и упориште на Исламска држава, чии борци се активни таму од 2015 година.
