Во текот на вчерашниот ден се случиле девет сообраќајни незгоди во главниот град, информираат од МВР.
Во сообраќајните незгоди едно лице добило тешки телесни повреди и шест лица добиле телесни повреди. Од преземените мерки и активности констатирано е дека 27 возачи управувале возила со брзина поголема од дозволената, а 16 возачи се исклучени од сообраќајот бидејќи го управувале возилото, без да стекнат право за управување. Еден возач е исклучен од сообраќајот бидејќи управувал возило под дејство на алкохол, како и тројца возачи почетници. Од сообраќајот исклучени се 10 нерегистрирани возила.
Во текот на изминатиот ден исто така издадени се 107 мандатни платни налози за непрописно паркирање, а 64 возила се подигнати со пајак. Деветнаесет возачи се санкционирани затоа што во своите возила не поседувале пропишана зимска опрема, а тројца поради неправилно престројување. Во текот на вчерашниот ден санкционирани биле и осум пешаци што поминале коловоз надвор од пешачки премин и седум пешаци кои поминале коловоз на црвено светло.