27.8 C
Скопје
3. јули 2022
Centar.mk – Вести, бизнис, забава, спорт…
Локално

Викендов во Скопје пајак-службата кренала 143 возила

Во текот на изминатиот викенд пајак-службата во Скопје кренала 143 непрописно паркирани возила, информира МВР. Сообраќајната полиција, пак, викендов казнила 97 возачи што го управувале возилото со поголема брзина од дозволената, а 36 се исклучени од сообраќајот поради возење под дејство на алкохол и возење без возачка дозвола.
Од МВР информираат дека поради истечена регистрација, од сообраќај се исклучени 23 возила. Седум возачи се санкционирани бидејќи ја поминале крстосницата на црвено светло и исто толку не дале првенство на минување. Поради нeправилно престројување се санкционирани 10 возачи.
Во однос на пешаците, преземени се мерки против двајца пешачи што поминале коловоз надвор од пешачки премин.
Викендов во Скопје се случиле 43 сообраќајни незгоди, од кои една со тешки телесни повреди, 22 со телесни повреди и 20 со материјална штета. При сообраќајните незгоди две лица добиле тешки телесни повреди, а 29 лесни.