Деветмината левичарски екстремисти, кои беа приведени од грчките власти во пресрет на посетата на Реџеп Таип Ердоган во земјата, планирале атентат врз турскиот претседател, пишува грчкиот весник „То вима“.
Повикувајќи се на извори од истрагата, весникoт истакнува дека деветемина осомничени биле припадници на турската Левичарска револуционерна организација DHKP-C и планирале убиство на Ердоган. Истрагата на грчката полиција покажала дека осомничените планирале да користат рачни бомби и шишиња со запалива течност за време на нападот.
Во терористичкиот план Ердоган бил споменуван со кодно име „Шкорпија“, пишува весникот. Се претпоставува дека групата планирала да го нападне конвојот на турскиот претседател од три страни.
Ердоган месецов оствари историска посета на Грција, прва од ваков вид на турски претседател за последните 65 години.
Спонзорирано:
