Федералната служба за безбедност на Руската Федерација спречи план за извршување терористички напади за време на претстојните новогодишни празници и за време на кампањата за претседателските избори во земјата. Ова го изјави директорот на канцеларијата и претседател на Националниот антитерористички комитет, Александар Бортников.
Според објавените информации, службите им влегле во трага на активностите на терористичката група која планирала напади со бомбаши самоубијци, што вклучувала и бегалци од Централна Азија.
Во рамки на операцијата запленети се експлозивни направи, огнено оружје и муниција. Уништена е и цела лабораторија за создавање терористички ресурси.
Кампањата на претседателските избори во Русија почнува месецов.
