Еврокомесарот за проширување, Јоханес Хан, на маргините на самитот ЕУ-Западен Балкан изрази оптимизам дека Македонија и Грција ќе го решат спорот за името, пренесе бугарската новинска агенција „Фокус“.
„Јас отсекогаш сум бил оптимист и ќе останам оптимист. И двајцата премиери се на добар пат“, рече Хан коментирајќи ја средбата помеѓу премиерите на Македонија и Грција, Зоран Заев и Алексис Ципрас.
Меѓутоа, Хан не сакаше да шпекулира за временската рамка за решавање на спорот, иако не ја исклучи можноста тој да биде решен до самитот на ЕУ во јуни.
„Дотогаш има еден месец, па сè е можно“, рече Хан.
Спонзорирано:
