Неколку Палестинци беа убиени и повредени во нов напад на израелско беспилотно летало во четвртокот во градот Газа.
Според очевидци, дронот испукал проектили врз група цивили во населбата Ал-Нафак во градот Газа.
Министерството за здравство во Газа се уште не го соопшти точниот број на жртви.
Во друг инцидент, најмалку четири лица загинаа, а неколку се повредени во напад со беспилотно летало чија цел беше група луѓе во бегалскиот камп Буреиј во централниот дел на Појасот Газа.
Прекршувајќи ја привремената пресуда на Меѓународниот суд на правдата, Израел продолжува со нападите врз Појасот Газа, во кои од 7 октомври минатата година загинаа најмалку 34.596 Палестинци, главно жени и деца, а 77.816 лица се ранети.
