Претседателот на Република Турција, Реџеп Таип Ердоган, рече дека палестинскиот народ е сведок на силната поддршка што Турција ја дава на палестинската борба.
На митингот во Мардин, Ердоган истакна дека и муслиманите овој Рамазан го поминуваат тажно поради бројните конфликти.
– За жал, насекаде околу нас владее болка, драма и нестабилност. Нашиот сосед Сирија копнее по мир и спокојство веќе 13 години. Етничките и секташките тензии продолжуваат во нашиот друг сосед Ирак. Крвавата војна меѓу Русија и Украина влезе во третата година. Покрај ова, од октомври се додадени и бруталните напади на терористичката држава Израел врз Газа – рече Ердоган.
Тој посочи дека Турција е една од земјите кои од првиот ден и дадоа најголема поддршка на Палестина и најостра реакција против Израел.
Тој додаде дека Турција со бродови и авиони испратила повеќе од 40.000 тони хуманитарна помош во Појасот Газа.
Претседателот Ердоган потсети и дека повеќе од 900 болни од рак и ранети Палестинци и нивните семејства се донесени на лекување во Турција.
– Сведоци на силната турска поддршка на палестинската борба се нашите палестински браќа. Иако некои од нас неуките не знаат, угнетениот народ на Газа многу добро го знае правилниот и прониклив став на Тајип Ердоган. Оваа борба на нашите палестински браќа за права и правда не ја откривме на 7 октомври. Ние сме во оваа борба уште од нашата младост“, рече Ердоган.
Ердоган изјави дека ја бранел Палестина и ја поддржувал палестинската кауза во секоја фаза од неговиот полвековен политички живот.
