5.8 C
Скопје
27. февруари 2024
Centar.mk – Вести, бизнис, забава, спорт…
СВЕТ

Бугарија и Германија се најнесреќните земји во Европа: Еве која е најсреќна

Европската статистичка агенција (Евростат) ги објави податоците од годишното истражување за „показатели за квалитетот на животот“.

Според ова истражување, Австрија е на прво место, а Германија и Бугарија се најмалку среќни земји од ЕУ.

Австрија постигна вкупен рејтинг од 7,9 од 10, а истражувањето во Германија покажа рејтинг од 6,5, што е помалку од лани (7,1), пренесува Independent.

Евростат објави дека граѓаните на ЕУ оценуваат дека генерално се задоволни од својот живот.

Второто место го зазедоа Полска, Финска и Романија со 7,7, додека Италија, Шпанија и Франција се најмногу околу просекот (7,1).

Бугарија е единствената земја со резултат под 6.

– Интересно е да се види дека некои земји поврзани со ниски приходи во блиското минато, како Романија и Полска, се меѓу земјите каде задоволството од животот е највисоко – објави Евростат.