Инструктор за возење од Колорадо пред некој ден со својот автомобил влетал низ прозорецот oд излогот на автошкола.
Локалната полиција објави фотографија на „Твитер“ и наведе дека едно лице се здобило со полесни повреди. Останатите сведоци на бизарната несреќа успеале навреме да побегнат, а инструкторот добил парична казна за сообраќаен прекршок.
Фотографијата покажа дека инструкторот поминал низ ѕидот и скршил голем стаклен прозорец, веднаш под „научи да возиш“ – текст испишан на самата зграда.
Сопственикот на автошколата Стив Роман подоцна за медиумите изјави дека несреќата ја предизвикал нововработен, човек кој само втор ден бил на работа и кој се уште немал добиено потврда.
