Украинскиот министер за заедници, региони и развој на инфраструктурата Александар Кубраков изјави дека Русија синоќа ги нападнала украинските пристаништа на реката Дунав.
Кубраков на својот профил на социјалните мрежи изјави дека Русија синоќа извршила напади со беспилотни летала врз украинските пристаништа и сподели фотографии од нападнатите пристаништа.
Тој изјави дека на фотографиите се гледа уништената инфраструктура на пристаништата на Дунав.
– Синоќа Русија ги нападна овие пристаништа со ирански беспилотни летала. Тоа се пристаништата кои денес станаа темел на глобалната безбедност на храната. Русите нападнаа магацини и силоси за жито, оштетија околу 40.000 тони жито што го очекуваат африканските земји, Кина и Израел – рече Кубраков.
Кубраков рече дека светот треба да се спротивстави на тие напади и дека нападите врз украинските пристаништа се закана за целиот свет.
Изјавувајќи дека Украина може да се брани, Кубраков истакна дека за ова им се потребни повеќе системи за противвоздушна одбрана.
